علم علی؛حکمته منشور علی
عالم خلقتده دوشن شور علی
نورٌ علی نورٌ علی نور علی
مغرب محرابیده کی هور علی
منزلتی شاعری جوشلاندیرار
آه چکه یدی گویی یاندیرار
علم علی؛حکمته منشور علی
عالم خلقتده دوشن شور علی
نورٌ علی نورٌ علی نور علی
مغرب محرابیده کی هور علی
منزلتی شاعری جوشلاندیرار
آه چکه یدی گویی یاندیرار
اوغلی بونون محیی قرآنیدی
بیر قیزی وار عشق اونا قربانیدی
همسری محبوبه ی دورانیدی
حیف اولا غمدن اورگی قانیدی
حیدره لبیک دین فاطمه
مین غمیله عمری تاپوب خاتمه
نامه ی عهد احدی جیردیلار
قلبیلره کینه نی دولدیردیلار
فاطمه نین ذکرینی سیندیردیلار
یاعلی سسلندی اونی ویردیلار
حضرت پیغمبرین ئوز اُمتی
ئولدوروری حامله بیر عورتی
فاطمهتا سویلدی حقدور علی
ثانیگویهقوزادی نکبت الی
ضربه گوروب سونمدی نور جلی
معجرینآتدان قانی آخدی ولی
سسلدی مندن صورا وای حیدره
قربان اولومباغلی قالان اللره
قلبینی سیندیردیلادا دینمدی
درگهی یاندیردیلادا دینمدی
جان ایپینی قیردیلادا دینمدی
همسرینی ویردیلادا دینمدی
آینه ی بختینی سیندیردیلار
گوز قاباقیندا خانمین ویردیلا
باتموشیدی کشتی عمری گله
دائم ئدردی بو فلکدن گله
هر گئجه آغلاردی گلردی دیله
اللری قوینوندا دیردی بئله
قلبیمی بو غمده بتر سخموسان
فاطمه جانی ائویمی یخموسان
دردیلی درباره باخوب آغلارام
زهریلی مسماره باخوب آغلارام
هی در و دیواره باخوب آغلارام
اشکیمی غم گونده سیلن اولمادی
دردیمی دنیاده بیلن اولمادی
